HISTORIA BATILI O22

RIWAYA: Historia Batili (Fake History)
MTUNZI: Jumaa Khatib Mdharuba (Jk)
     +255718274130

         EPISODE O22
★★★★★★★★★★★★★★★★
ILIPOISHIA..
Mzee J4 anataka kumpa ushauri Khatib apate cha kufanya na kujiepusha na mauaji anayoendelea nayo.
Huku nako Dr Mwinyi anampigia simu Hisham kutaka kujua kama tayari amekamilisha mauaji ili watengeneze ushahidi haraka, hii ni baada ya Dr Mwinyi kupigiwa simu na Khatib na kupewa maelekezo.

SASA ENDELEAA..
Baada ya kukosa cha kumjibu Dr Mwinyi,Hisham alikata simu. Regina, pamoja na mawazo tele aliyokuwa nayo kichwani kwake, aliigundua ile simu aliyoipokea mumewe kuwa ilimuhusu kwa namna moja au nyingine. Pamoja na kufarijiwa sana na Hisham mpaka akaamua kubaki pale, lakini wasiwasi juu ya hatma ya maisha yake ulikua mkubwa.. Alimfuatilia vizuri Hisham tangu anapokea simu, na jinsi alivyogeuka kumuangalia kabla ya kukata simu. Akahisi kuna jambo. Bahati nzuri Regina alipata kufahamu vitu vingi kuhusu Khatib kupitia mumewe-Hisham. Hivyo alifahamu kuwa kama jambo lake la kukutwa na HIV atashirikishwa Khatib, kulikua hakuna namna nyingine zaidi ya yeye kuuwawa..na kwa jinsi pia anavyofahamu uhusiano wa Hisham na Khatib ulivyo, aliamini kuwa mpaka sasa Khatib ana taarifa zake. Hata hapa aliposikia mumewe akitaja neno Dokta, alijua kuwa tayari 'kimenuka'. Hapa akili yake iliwaza kitu kimoja tu-Kutoroka.. Alishapanga kutolala nyumba hii leo, ingawa kichwa chake kiliuma kwani hakujua angetoka vipi pale.
“Nini tatizo mume wangu? Mbona unaonekana umeduwaa halafu umekata simu?” Regina aliamua kusikiliza jibu la Hisham kwa swali hili.
“Huyu Dokta nilikua na ahadi, nilipanga tukapime kwake, lakini sikwenda huko..ndo ananiuliza hivi maana nilimuahidi nitaenda nimkute, sasa kaona kimya” Hisham alidanganya, na kumfanya Regina awe na maswali mengi zaidi..
“Sasa kwanini umemkatia  simu? Si ungemwambia ukweli tu kuwa tumeshapima hospitali nyingine?” Alichokuwa akikifanya Regina hapa ni kuendelea kupata ukweli tu kuwa kuna mpango maalum, na kwakuwa alimfahamu vizuri Hisham kuwa mara nyingi ni mwepesi wa kupanic akiambiwa ukweli, aliamua kukazia msumari.
“Nimekata ndio, kwani we huoni kuwa nimechanganyikiwa? Sasa nitamueleza nini yeye? Hebu achana na hizi habari za Dokta, kwanza simu si nimepigiwa mimi? Wewe mbona maswali mengi?”  Hisham alipandisha sauti na kumfanya Regina ajue nini kinaendelea hapa.
“Basi mume wangu, samahani sana” Regina aliamua kuwa mpole.
Alilala pale kitandani na mawazo meengi sanaa.. Alijua kuwa Hisham leo hatatoka kwenda kazini kama kawaida yake, hilo alilifahamu kwani ni lazima Hisham atakua na mpango wa kumuua tu.
Hisham yeye alikuwa akiusubiri kwa hamu usiku wa leo, ili Regina atakapolala tu, ampake ile sumu ya unga maeneo ya puani ili ndani ya dakika 10 asiwe miongoni mwa watu hai wanaoishi duniani.
★★★★★★★★★★★★★★★★★★
“Labda niwaulize swali moja muhimu, hivi mnafikiri nyinyi ni nani katika nchi hii?” Ally Ngoswe alikuwa amewatolea macho Detective Rukia na Ahmed Khamis baada ya kuwaita ofisini kwake. Licha ya kuwa alishirikiana kwa karibu sana na Noor, ila Ally Ngoswe alipinga wazo la Noor na Khatib kutaka kumuua Ahmed. Aliamini kwa kumuua Ahmed mambo yangevurugika zaidi katika idara hiyo, na huenda Ngoswe angebeba mzigo mkubwa wa lawama ambao ungeambatana na uchunguzi mzito. Na kwakuwa alishamuonyesha Detective Rukia wazi kuwa alipinga jambo la Ahmed kwenda Canada wakati ni jambo liliokuwa likifanywa ndani ya misingi ya kiusalama, hivyo kuruhusu kufikia huko kwenye uchunguzi kungefanya yakaibuka mengi zaidi..
“Naomba tusamehe mkuu, hili kosa ni kubwa tumelifanya, tulidhani tukishakamilisha itakua bora zaidi kukufahamisha. Ila sisi tunakiri tumekosea, na tunakuahidi kosa halitojirudia mkuu” Rukia alijitetea kwa niaba yao wawili.
“Sitaruhusu ujinga huu ujitokeze tena, na kuanzia sasa hiyo kesi ya Khatib naitoa mikononi mwenu, na nitaikabidhi kwa wengine.. Na Ahmed urudi kule shule ukawaage, tutatengeneza uhamisho ndani ya wiki moja urudi hapa nijue nitakupanga wapi, Detective nitakupangia kazi nyingine mbali na hii. Halafu naomba ripoti ya Nuro nijue nae namkabidhi jukumu lipi, ingawa yeye ataendelea kubaki kulekule.. Sihitaji maelezo mengine ya ziada..hii ni Command!” Ally Ngoswe ndivyo alivyomaliza na kuwaonyesha ishara wawili wale watoke nje.
Ahmed na Rukia walitoka nje ya ofisi ile huku wameinamisha vichwa vyao, hawakujua sababu haswa ya 'boss' wao kuamua vile. Wakaanza kuhisi kuna mchezo mchafu nyuma yao. Rukia akatoa simu yake katika pochi yake ndogo ya rangi ya pink aliyokuwa ameshikilia mkononi, akaamua kumpigia Nuro huku akitembea kurudi ofisini kwake.
“Mwenzangu, leo wenzako tumebadilishwa vitengo na boss..tumetolewa kwenye hiyo 'case' ya Khatib” Rukia aliongea baada ya salamu.
“Yaah, nililitegemea hilo tangu ile siku ulivyonambia 'boss' alikuita ofisini na kukuuliza kuhusu Ahmed..” Nuro hakuonekana kushtushwa na hii habari, ila akaamua kumpa Rukia habari zingine ambazo hakuzifahamu kabisa..
“Unajua mimi nafahamiana sana na Noor, yaani ni mtu wangu wa karibu haswa, yeye ndiye aliyenitafuta na kuniambia nimtafutie Khatib mke, yaani nina maelewano naye mazuri sana tangu zamani, nikipata siku ntakueleza nilifahamiana nae vipi, ila mpaka leo yeye hajui kuwa mimi ni Usalama” Maelezo haya yalimfumbua macho Rukia, ila alikua hajapata mwanga haswa Noor anahusika vipi katika 'issue' ya boss Ally, akaamua kuendelea kusikiliza bila kutia neno zaidi ya kusema "Heeh" na kumfanya Nuro aendelee na maongezi.
“Sasa hivi karibuni ndio nimekuja kugundua kuwa 'boss' na Noor wana urafiki mkubwa, tena kuna biashara wanashirikiana..”
“Duuh.. Makubwa haya!” Rukia alijikuta akihamaki.
“Ndo hivyo mama, madogo yana nafuu..” Nuro aliongea kirafiki zaidi wakati huu, sio kama mtu anayeongea na boss wake.
“Sasa kama boss anashirikiana na Noor sisi tutakua na la maana kweli? Maana yule Noor ndiye ambaye muda wote anafikiria kumlinda Khatib tu” Rukia alionyesha kuchoshwa na maelezo haya.
“Ndo hivyo, Noor ndiye chanzo kikubwa cha Ahmed kumuua Alice, nadhani unakumbuka, yule baba ni hatari kuliko hata huyo Khatib mwenyewe”
“Nakumbuka, uliniambia, kwahiyo hata hizo damu za watu wasio na hatia kina Alice na Sauda tutaziacha ziteketee hivyo” Rukia alionyeshwa kukerwa sana na Ally Ngoswe..
“Ndo hivyo, fuata 'order' Detective, tusije na sisi tukapotea buree”
“Hilo nalo nenoo..” Alimalizia hvyo Rukia kisha wakaagana na kukata simu.
★★★★★★★★★★★★★★★★★★★
“Kuwa mtu wa busara, toa sana sadaka, onyesha kila unachomiliki ili watu wakujue vizuri..kwakweli utaishi kwa amani sana” Mzee J4 aliamua kutoa ushauri wake. Khatib alikuwa bado yupo kimya akimsikiliza.
“Kwakweli ukiwa muwazi hakuna mtu atayekufikiria vibaya, kwani wangapi wamerithi mali za baba zao hapa nchini kwetu na bado wanaonekana watu wazuri tu kwenye jamii? Sasa wewe pia si inasemekana umerithi? Kwanini machoni pa watu usiwe mzuri? Acha mambo ya ajabu kuanzia sasa, jiweke juu kama mfano, watu watakuheshimu, hebu watoe wasiwasi watu ndugu yangu, watu wamekuwa na wasiwasi na wewe..waonyeshe kuwa wewe ni mtu mzuri, kwanini unaendelea kujizolea sifa mbovu wakati nafasi ya kusawazisha unayo?” Mzee J4 aliongea maneno toka moyoni.. Na alifanikiwa kuyapenyeza maneno yale moja kwa moja kwenye moyo wa Khatib. Ila katika kichwa cha Khatib kulikuwa na maswali mengi sanaa, kwanini huyu Mzee anamtaka afanye hivi? Yeye anafaidika nini? Na kwanini amshauri mambo hayo wakati anafahamu ukweli kabisa kuwa alimuua Sauda? Kwanini bado yuko upande wake na kumsihi abadilike? Au Mzee J4 alikuwa anahitaji kitu kutoka kwake? Maswali yote hayo hayakujibika katika kichwa chake.
“Mzee mimi nimekuelewa sana, na nakuahidi nitalifanyia kazi hilo ndani ya muda mfupi” Khatib alimuahidi Mzee J4, ila alikuwa na swali ambalo alipanga lazima amuulize leo.
“Ila natamani kujua hizi habari zote wewe unazijuaje, mpaka kufikia kunambia kwa kujiamini kuwa nimemuua mke wangu?”
“Mimi najua kila kitu unachofanya, na kila hatua unayopitia, najua kuwa wewe jina lako Mwatete Mwinjuma, najua pia kuwa ulitokea katika familia ya kimasikini tu na ukaja kusaidiwa kimaisha na mzungu mmoja mwenye asili ya Canada na baadae kumfanya mwanamke wako licha ya kuwa amekuzidi miaka 24, na najua pia kuwa unamiliki Euler Hotel na Mambo Pub pale Morogoro pamoja na ile Hotel ya Dar anayosimamia mamaako, nafahamu vizuri pia ushauri wako uliompa Hisham muda mfupi uliopita ukitaka amuue mkewe, na hata kabla hujakuja nyumbani leo nafahamu ulikuwa Hotel na mama wa mtoto wako Abdul ambaye umemwachia milioni 1.3 wakati mnaagana.. Kiufupi nakujua sana ndani nje, mimi naijua HISTORIA BATILI yako, na nina nafasi kubwa sana ya kukufanyia vyovyote utakaponikera..” Mzee J4 alifunguka kuhusu HISTORIA BATILI ya Khatib ambayo ilikua ikijulikana kuwa alikulia katika maisha ya kitajiri na kumbe si hivyo.. Hapa Khatib aliduwaa.
“Kunikera kwangu ni kutofuata ninachokushauri, nimekusamehe moja kwa moja kwa kumuua kipenzi cha mdogo wangu nimpendaye.. Lakini siku zijazo sitakusamehe kwa lolote, hivyo naomba twende sawa kutokea sasa”  Mzee J4 alionekana kubadilika ghafla, Khatib alikua kwenye wakati mgumu sana ambao hakuwahi kuutegemea.
★★★★★★★★★★★★★★★★★
Haya sasaa.. Fumbo la muda mrefu linafumbuliwa na Mzee J4, tunaanza kuijua HISTORIA BATILI ya Khatib. Hapa ndipo story yetu inapoanzia..
Utamu unaanza hapaa...

Ila kwa leo, tukomee hapa..
Tukutane Episode ya 023.

Usiache kufollow IG:@ jk.stories kwa story tam zaid, updates na mambo mengine kibaaaaoooo..
Kaa tayari pia kusoma kitabu cha HISTORIA BATILI kinakuja hivi karibuni.
Una maswali? Maoni? Usiache kuandika kupitia mdharuba@gmail.com
Au
Call/sms @ +255718274130/+255654727266

HISTORIA BATILI O21

RIWAYA: Historia Batili (Fake History)
MTUNZI: Jumaa Khatib Mdharuba( Jk)
+255718274130
+255719274130

        EPISODE 21
            2⃣1⃣
ILIPOISHIA...
Hisham amempigia simu Khatib kumueleza juu ya majibu ya HIV yalivyokuwa kwa Regina, Khatib anamshauri Hisham atekeleze mauaji halafu watatengeneza ushahidi.
Je, Hisham atafanikisha mauaji??
Hii hapa Historia Batili na Mtunzi wako Jk..

SONGA NAYO.....
Baada ya kukata simu ya Hisham, Khatib aliona ampigie mamaake tena kwa mara nyingine..
“Unajua nilisema sitaki kuonana na Mzee J4 kabisa leo, lakini nafikiria kwanini nisionane nae tu ili nikiondoka huku niwe nimemaliza kazi? Maana mambo mengi sana sidhani kama nitaweza kurudi tena huku, na nisipokuja kuonana nae si ataona nimemdharau?” Alijaribu kushauriana na mamaake.
“Kama ni hivyo sawa, ila usiende mpaka nimpigie Sheikh Lesangwa simu kwanza..  Akituruhusu utaenda” Mama Mdharuba alishauri.
“Mama, nimekwambia jambo la Mzee J4 liacheni, acha kabisa kumpigia simu Lesangwa..acheni tu mimi niende nikaonane nae, naamini hawezi kuniita kwa ubaya” Khatib alionyesha msimamo wake kuhusu Mzee J4, yeye aliamini Mzee J4 ni mtu mstaarabu sana, na hawezi kuwa na nia mbaya na yeye..
“Naona siku hizi umekua, haya fanya unavyotaka” Mama Mdharuba alikasirika na kukata simu. Khatib akawasha gari yake mpaka nyumbani kwa Marehemu mkewe. Bahati nzuri na Mzee J4 naye alimkuta, wakasalimiana na kuongea mambo mengi na wanafamilia..lakini cha ajabu ambacho kilimpa maswali mengi sana Khatib ni kuwa hakuna aliyemuongelesha wala kumuuliza kuhusu kutofika kwake katika arubain ya marehemu mkewe.. Kichwa chake kilijawa na mawazo mengi..alijifikiri sana, na kuhisi amewakosea sana hawa wazee... Ila aliamua na yeye kupotezea..
“Nadhani muda wowote ambao mtakua tayari mniambie ili nitafute usafiri wa kuvihamisha vile vitu vya marehemu vije huku” Jambo la mwisho aliloamua kuliongelea Khatib kuhusu mirathi ya Sauda.
“Siku yoyote wewe panga tu sisi tutamuagiza mtu” Mama Sauda aliamua kujibu ili kuondoa utata na kufupisha habari ili jambo lisiwe refu.
“Sawa basi, nitaweka mambo sawa halafu tutawasiliana” Khatib alikubaliana na rai ya mama mzazi wa marehemu mke wake, kisha akamuangalia Mzee J4, “Safari hii pia imeitika wito wako Mzee J4, vipi tunaongea hapa au unataka faragha kidogo?”
“Maongezi yangu mimi na wewe ni maongezi ya kiume bana, hakuna haja ya kusikilizwa na wanawake” Mzee J4 alitania na kuwafanya wote waliopo pale wacheke..
“Sawa basi, mimi jamani naomba niwaage, jamani tutaonana tena, siku mbili hizihizi” Khatib aliwaaga wanafamilia huku akiwapa mikono kila mmoja.. Baada ya hapo akageuka kuelekea nje ambapo Mzee J4 alimfuata. Wakaingia kwenye gari na Khatib akawasha gari wakaelekea moja kwa moja maeneo ya Mkonge hotel ambapo Khatib alihisi kutokana na utulivu uliopo hotelini pale, pangekua ni sehemu sahihi zaidi kwenda kufanya mazungumzo na Mzee J4. Mzee J4 hakupinga wazo hili, wakaongozana. Wakafika na kukaa katika viti vilivyoizunguka meza moja iliyojitenga katika mti mmoja ulio katika bustani ya Hotel ile iliyokuwa na mandhari ya kuvutia, muhudumu ambaye alikua makini tangu wanaingia, alikuja haraka na kuwauliza watatumia nini..
“Nipe maji, yasiwe baridi” Mzee J4 ndiye alikua wa kwanza kuagiza.
“Kuna uhai, Dasani, Kilimanjaro, Mt Uluguru, Usambara na Udzungwa, nikupe yapi?” Aliuliza Muhudumu ambaye alimtaka Mzee J4 awe 'specific' bila kujua kuwa ataitibua akili ya huyu Mzee hivi karibuni.
“Wewe lete hata ya bombani hata yawe kwenye kibakuli, mradi tu yasiwe ya baridi” Ndivyo alivyojibu.
“Mimi niletee Mountain Dew.. ya baridi” Khatib aliongea baada tu ya mhudumu kumuangalia..
Baada ya kuletewa, maongezi yao yakaanza..
“Kiukweli unajitahidi sana katika kazi zako, unafanya vizuri mno, na kwa vijana wenzio wenye umri kama wako nadhani wana vingi sana vya kujifunza kutoka kwako, ilaaaa..nimeanza kuwa na mashaka na utajiri wako, kwa kiasi kikubwa upo vizuri sana, lakini unaonekana ni mtu mwenye tamaa sana..” Mzee J4 hakuona sababu ya kupindisha maneno, akaona agonge msumari moja kwa moja.
“Mimi usinione hivi hapa leo, nimepitia mambo mengi saana..yaani nimepitia mengi mazito, na kuna muda niliishi maisha ya shida sana..ilishafika kipindi nikawa 'Pastor' tena ilikua Afrika Kusini.. Nikikuangalia wewe nakuona ndani kabisa katika mambo ambayo watu wengine hawawezi kuyaona.. Mimi nataka nikushauri kitu kimoja, ambacho kitakuweka salama zaidi kuliko unavyofanya sasa.. Dhambi ya kuua huwa inazunguka, ogopa sana damu za watu..ni kitu kibaya sana kuua..kibaya sana..sana tena sana..” Mzee J4 ambaye alikua akiongea bila kumpa Khatib nafasi ya kutia neno, aliendelea kusisitiza kuwa mauaji sio mazuri.. Na kumfanya aanze kukumbuka maneno ya Hisham ambayo alimwambia wakati akimueleza kuhusu Mzee J4, akakubali kuwa ni kweli huyu Mzee alimwambia Hisham kuhusu kuua..Hapa alijifunza pia kuwa Mzee J4 anafahamu sana kuhusu kifo cha Sauda..wazo la kumkimbia kwa hoja au kumkatalia kama alivyotaka kufanya, akalifuta. Safari hii alikua akimsikiliza kww makini sana ili akimaliza akiri makosa yake halafu ampe wazo Mzee J4 kama atakubali kuwa mmoja kati ya 'Surbodinates' wake.
★★★★★★★★★★★★★★★★
“Hisham, pamoja na kuwa unanifariji sana, lakini najua kuwa huwezi kuendelea kuishi na mimi tena, huwezi Hisham, nakufahamu vizuri na naijua hatma yangu endapo nitaendelea kukaa na wewe hapa Hisham..” Baada ya machozi kukauka, Regina aliamua kutoa ya moyoni. Alishaishi na Hisham kwa miaka saba sasa, sio mtu wa aina hiyo eti aweze kuvumilia usaliti ambao umemfanya akwae na ukimwi, alijua kuwa hii kwa Hisham ni 'geresha bwege' tu, na kama angejipendekeza kulala hata usiku mmoja tu 'ingekula kwake'..
“Unataka kunambia kuwa huniamini? Hisham wa kipindi kile sio Hisham wa sasa..mimi nakupenda sana mke wangu, ni kazi ngumu sana kwa sasa kwenda kuanzisha uhusiano na mtu mpya nisiyemjua vizuri..nitapata tabu, naomba usiondoke, baki hapa kwa ajili yangu mke wangu, au unataka kuniwekea picha mbaya kwa watu kuwa nimekufukuza sababu umeathirika? Tafadhali usifanye hivyo” Hisham alimbembeleza Regina mpaka akafikia kutokwa na machozi, kitendo kilichomfanya Regina alainike.. Akaamua kubaki nyumbani, licha ya kuwa na wasiwasi mkubwa..
Akaanza kukumbuka alipokutana na Hisham kwa mara ya kwanza, usiku wakati Hisham akiwa amelewa sana na kumkuta amelala katika mtaro uliokuwa pembeni ya nyumba ambayo Regina alikuwa akiitumia kama danguro..
Alishangazwa na muonekano wa mlevi yule ambaye alikuwa mtanashati, akaamua kumsaidia.. Ndio kutokea hapo wakazoeana mpka wakafikia hatua ya kuwa wapenzi na mwisho kabisa wakaamua kuoana..na ni kwa ushauri wa Hisham ndo Regina akaacha biashara ile haramu..akamiliki baadhi ya maduka ya vtu mbalimbali pale mjini, Hisham akiwa bado anasafiri sana nje kwenda kuchukua 'unga' kama alivyoagizwa na mabosi wake, mpaka alipokutana na Khatib Canada na kumfanya rafiki, ambaye leo hii ndiye amemfikisha hapa.. Regina alikua na majuto makubwa sana, ila hakuwa na cha kufanya.
Hisham nae alikua na mawazo mengi sana juu ya Regina, hasira alizokuwa nazo ni zaidi ya simba jike aliyefiwa na mwanawe.. Kazi ya kubembeleza ilishaisha na kwa sasa alikua bize sana na simu yake kuangalia 'contact' ambayo huenda angeipunguzia mzigo ule wa mawazo, walau kwa kumpa taarifa tu, habari ile ya Regina ilimuelemea sana, ingawa alijikaza kiume mbele ya Regina kwani hakutaka afahamu mpango wake..
Akiwa ametulia bado 'akisearch contacts' zake, simu yake iliita, alikuwa ni Dr Mwinyi.
“Vipi umemaliza hiyo kazi?” Aliuliza Dr Mwinyi mara tu baada ya simu yake kupokelewa..
“Kazi gani tena Dokta?” Hisham anaonekana hakuwa 'aware' kabisa na anachokiulizia Dr Mwinyi.
"Khatib amenitaka nitengeneze ushahidi na kunambia muda si mrefu unakuja na mwili..sasa nimeona kimya ndo maana nikakupigia kukuuliza..”
Hisham aliduwaa, akamuangalia mkewe ambaye alikua amelala chali pale kitandani macho yake yakiwa yanaangalia 'gypsum' ya chumbani mle.. Hisham akakosa jibu la kutoa.
★★★★★★★★★★★★★★★★
Je, Mpango wa mauaji utakamilika??
Je, unajua Mzee J4 atampa ushauri gani Khatib??
Huu ni mwanzo tu..kuna zaidi ya episode 300 zinakuja..

Usiache pia kufollow: jk.stories huko instagram..utapitwaa..

Tukutane Episode ya 22..

HISTORIA BATILI O20

IRIWAYA: HISTORIA BATILI(Fake History)
MTUNZI & MWANDISHI: Jumaa Khatib Mdharuba
+255718274130

         EPISODE 20
★★★★★★★★★★★★★★★
Ilipoishiaa..
Hisham amekusudia kwenda kupima na Regina ifikapo kesho asubuhi..
Licha ya Nana kukataa mwanae asiende kuonana na Khatib lakini kupitia Sheikh Lesangwa, Khatib anafanikiwa kuteka hisia za Hamida na anaomba kuonana nae..

SASA ENDELEA...
Saa 2:00 asubuhi, Regina alishajiandaa kwa safari ambayo hakupewa maelezo ya kutosha na Hisham..
“Lakini si unambie kuwa tunaenda wapi mume wangu?”
“Wewe twende tu, utajua huko mbelembele..”
Wakatoka, moja kwa moja Hisham akaendesha gari lake hadi kwenye maabara aliyopewa majibu ya mwanzo kabisa, Jk Laboratory, Mazimbu..
“Sasa mke wangu, lengo la kukuleta hapa ni kuja kuangalia afya zetu, kwahiyo tushuke kwenye gari tukapate vipimo ili tujue afya zetu zimekaaaje” Hisham alisema wakiwa nje ya geti la maabara ile ambapo kulikuwa na parking kubwa tu.
“Sawa, hakuna shida mume wangu, your wish is my command..” Regina alijibu kwa kujiamini.
Wakaingia moja kwa moja ndani ya maabara ile na kukuta foleni ndogo ya watu wapatao watano, wakajiweka pale na kusubiri zamu yao.
“Yaani mume wangu wewe saa zingine una mambo ya ajabu jamaaniii..” Regina alianzisha mazungumzo wakiwa katika foleni ile..
“Kwanini unasema hivyo?” Hisham aliuliza huku akigeuza shingo kumwangalia Regina usoni.
“Sasa si ungeniambia tu kuwa tunakuja kupima mume wangu? Kwani mi ningefanyaje? Yaani mi nikajua sijui tunaenda safari ya wapi huko!” Regina alikuwa akisema maneno haya kwa kujiamini sana pasipo kujua kwenye akili ya Hisham kuna nini!  Alichokua anakiwaza Hisham hapa ni namna gani atamfukuza Regina nyumbani kwake baada ya majibu.
“Suprises are better than Promises” Hisham aliamua kujibu maelezo marefu ya Regina kwa msemo wa kingereza.
Walikaa pale takriibani dakika 24 mpaka zamu yao ilipofikia na wangaingia chumba cha Daktari pamoja. Hisham ambaye jana yake alipoondoka aliahidi kurudi na mkewe kwa ajili ya vipimo kwa pamoja, hakuwa na maelezo mengi kwa Dokta, ambaye alielewa tu kuwa Hisham aliamua kutekeleza alichoahidi.
★★★★★★★★★★★★★★★★
“Umefika?” Hamida aliendelea kupiga simu kila baada ya dakika kadhaa kuulizia kama Khatib amefika ama laa ili aweze kuonana nae. Tayari alishatoka nyumbani na kwenda katika hotel moja nzuri ambayo Khatib alimuelekeza amsubiri hapo. Baada ya dakika 20 tangu Hamida apige simu ya mwisho, Khatib alifika katika hotel ile maarufu jijini Tanga. Kutokana na umaarufu wake, Khatib alizama mpaka ndani kabisa kwenye kona moja iliyojificha ili isiwe rahisi kwa mapaparazi kufuatilia nini anafanya hapa. Akakaa na Hamida katika chemba hii na makusudio ya kikao hiki cha dharura yakaanza kutekelezwa.
“Kwanza, nafurahi sana kwa kukubali mwaliko wangu hapa leo, nakushukuru sana” Khatib alianza kuongea wakati muhudumu aliyeleta vinywaji kwa ajili yao akiwa ameondoka.
“Mimi pia nashukuru sana maana mama yeye alikua hataki kabisa tuonane lakini nimemtoroka” Hamida, ambaye wakati huu alishaanza kumuona mamaake kuwa hana maana alikuwa akifunguka tu, hakuwa anajua kuwa kuna nguvu ya ziada iliyotumika kumleta yeye pale.
“Na kwanini haswa mamaako alikua hataki tuonane wakati anafahamu fika kuwa sisi ni Wazazi?”
“Mimi hata sielewi, namuona ana roho mbaya tu, sasa mimi nisionane na wewe baba Abdul nitaonana na nani?”
“Ok, tuachane na hayo, nimekuja hapa tuzungumze kuhusu maisha yetu mke wangu.. Mimi nataka nikamilishe hatua zote za uchumba kisha tufunge ndoa ili tuishi pamoja”  Khatib aligonga moja kwa moja katika 'point' kitu ambacho ndicho kilichomleta hapo.
“Sawa..mimi nakusikiliza wewe tu” Hamida alijikuta hana cha kuongea, alishasahaulishwa kila kitu kuhusu yaliyotokea huko nyuma na Khatib, alishasahaulishwa pia kuhusu Dokta Idd..akili yake yote ilihamishiwa kwa Khatib. Kitu pekee alichokua anafanya yeye ni kuitikia tu kile alichotaka Khatib, kiwe sahihi au si sahihi.!! Ukiwa mtu maarufu na tajiri unakuwa na silaha nyingi sana. Na ni lazima uwe hivi hata kama hutaki, kwa sababu jambo la mtu masikini tu asiyejulikana huwa halionwi na macho ya wengi, kwahiyo hata ukifeli katika jambo fulani, watakaokuwa wanafahamu ni watu wachache sana na wala haliwezi kukuathiri kitu. Lakini kwa mtu tajiri na maarufu kufeli kwake ndio chanzo cha kuuzwa kwa magazeti, kuzungumzwa sana redioni na kwenye televisheni..na hata mazungumzo ya vijiwe vyote yanakua yanakuhusu. Na ndio sababu watu hawa hutafuta njia za kila namna kuhakikisha wanalinda 'status' zao zisije kushuka.. Kila nyanja ambayo itakua na msaada kwake, ni lazima aitumie ipasavyo. Khatib ni mmoja kati ya watu hao, na yeye ili kuilinda vizuri 'status' yake, alikuwa hajitokezi yeye hadharani kushughulika na matatizo yake, sehemu zote alikua akitumia watu, mamaake akimpanga sehemu nyeti kama hii ambayo haikuwa inahitaji usaliti kwa namna yoyote ile..
Noor yeye alikua akishughulika na mambo ya serikali, wakati Hisham yeye 'alideal' na 'rumours' zote za mjini. Haroun, ambaye kwa harakaharaka alionekana kama hana kazi kubwa, lakini naye alikuwa mtu muhimu sana kwani alikua akisimamia hotel kubwa sana 'Euler Hotel' huku akiwa ndio 'organizer' wa miradi yote mipya ambayo Khatib alikua akitaka kuanzisha.
Nira nae alikuwa mtu muhimu mno kwani yeye ndiye alikua akimuwakilisha Khatib katika matukio ambayo yalimuhitajia ila alishindwa kuhudhuria. Hivi ndivyo mgawanyo wa kazi ulivyokua na kila mtu alicheza sehemu yake vizuri na kwa mafanikio makubwa.. Watu hawa wote hawakua na mishahara kwa Khatib ila walikuwa na 'Allowances' zinazoendana na mapato ya kampuni. Hivyo majukumu yao waliyatimiza vizuri kwani 'income' yao ilitegemea zaidi mapato. Walikua hawana budi zaidi ya kujituma. Licha ya kuwa haikuwa mishahara, lakini walikuwa wanapewa pesa nyingi sana..kiasi cha kuwa hawakua na tamaa wala nia tu ya kusaliti.
Khatib aliongea mengi sana na Hamida pale hotelini, mpaka baadae ambapo waliamua 'kuagana' kwa 'kukumbushia enzi' katika moja ya vyumba vizuri vya hoteli ile.. Kisha Hamida akarudi nyumbani akiwa na milioni 1.3 ikiwa ni pesa ya 'matumizi madogo ya siku mbili tatu' kama alivyooita Khatib mwenyewe.
“Kazi imeisha mama, hapa kabaki Nana tu, yule mamaake” Khatib alipiga simu kwa mamaake kabla ya kuwasha gari kurudi Morogoro.
“Kama umemaliza kwa Hamida basi tu, mamaake hana shida yule, cha msingi ni Hamida mwenyewe tu”
“Ok, na yale maneno uliyonitumia kwenye sms nilitakiwa kuyasema kabla au baada ya tendo?”
“Kabla ya tendo mwanangu, au wewe umeyasema baada?”
“Hapana mama, nimesema kabla, nilidhani ni kinyume chake”
“Ooh, oky..kama kweli uliweza kupata nae tendo basi kazi imeisha mwanangu..Nana yule akimuona tu mwanae akili yake itahama, wala usijali.”
“Ok mama, ngoja niwahi kurudi nyumbani, nimechoka sana..”
“Ok, ila kama hujaoga rudi ukaoge, usiendeshe gari ukiwa hujaoga ni hatari sana”
“Hahhahaaa..mama bana, nilioga baada tu ya kumaliza mamaangu”
“Ok sawa, safari njema”
“Ok, ahsante sana”
★★★★★★★★★★★★★★★★
“Nyinyi ni wanandoa?” Dokta aliuliza kabla ya kutoa majibu, akiwaangalia Hisham na Regina usoni.
“Ndio, sisi ni wanandoa Dokta”  Hisham hakupoteza muda alitoa jibu la haraka.
Baada ya hapo daktari akaanza kuwauliza watakubaliana vipi na majibu yao, huku akijaribu pia kuwasihi wakubaliane na majibu yoyote yatakavyokua.. Akaongea mengi pia kuhusu kuwasihi waendelee kupendana na kushirikiana kama zamani endapo mmoja wao atambiwa ameathirika. Maneno haya ndiyo yalifanya Hisham ajue majibu kabla hata hayajatolewa.. Moyoni mwake akijisemea kuwa leo ndio mwisho wa Regina.
“Baada ya maelezo haya marefu, sasa naomba kuwapa majibu yenu, nikianzia na bwana Hisham hapo..damu yako ni safi kabisa (HIV negative), Hongera sana na endelea kuchukua tahadhari katika vishawishi na tamaa za kila siku, ngono zembe ni hatari sana.”
Kisha Dokta akageuka kwa bi Regina na kumuangalia..Regina ambaye alitabasamu akijua kuwa majibu yake yatakuwa sawa tu na Hisham..
“Kwa upande wako bi Regina, damu yako inaonekana imeathirika na virusi vya ukimwi(HIV positive). Ingawa huu sio mwisho wa maisha, bado una nafasi ya kuishi miaka mingi zaidi ukifuata utaratibu kama nilivyowaambia kabla.
“Dokta, you can't be serious?” Aliuliza Regina ambaye alionekana kushtushwa sana na habari ile. Akaanza kulia.
Tofauti pia na matarajio yake, Hisham alianza kumbembeleza na kumfariji, alishangaa sana, kitendo kilichomfanya anyamaze haraka. Kisha Hisham akamuaga Daktari na kisha akamshika mkewe mkono na kuondoka naye pale Hospitalini kuelekea nyumbani. Walipofika moja kwa moja wakaelekea chumbani kwao. Kisha Hisham akamuacha Regina pale na kuelekea sebuleni ambapo alibofya simu yake kumpigia Khatib.
“Kaka, huyu kahaba wangu hapa kakutwa na virusi, sijui nifanyeje?”
“Usikurupuke, as I did, then tutatengeneza sababu ya kifo”
“Ok kaka, nimekupata”
Mazungumzo mafupi yaliyoeleweka, yakamfanya Hisham akate simu, na kurudi chumbani kuendelea kimfariji mkewe.
★★★★★★★★★★★★★★★★★
Let's call it A day..

Tukutane Episode 21👉 soon..

Follow IG: jk.stories

Sms/call: +255718274130

HISTORIA BATILI O19

RIWAYA: HISTORIA BATILI(Fake History)
MTUNZI & MWANDISHI: Jumaa Khatib Mdharuba(Jk)

+255718274130
mdharuba@gmail.com
www.facebook.com/khatibj
www.instagram.com/mdharubajk

           EPISODE O19
★★★★★★★★★★★★★★★★
“Shem, mbona umenisusa?”
“Kwanini unasema hivyo shem? Mi mbona sijakususa?”
“Sio kawaida yako shem, wiki ya pili sasa..sijapata simu yako..una tatizo lolote?”
“Daah..hapana Sarah..nisamehe, ni majukumu tu, si unajua niko katika michakato ya kukamilisha zoezi la mirathi ya marehemu dadaako”
“Ok shem sawa..mi nikadhani kuna tatzo lolote shem, maana si kawaida yako..kama ni hivyo sawa hakuna shida”
“Ok sawa shem nashukuru kwa kunielewa.. Vipi pesa ya chakula ipo au nikutumie nyingine?”
“Ninayo ya kama siku tatu hivi..baada ya hapo nitahitaji tena..”
“Ok sawa shem..nitakutumia nyingine baadae..”
“Sawa shem asante, have a nice day”
“Ok, you too”
Khatib alimalizia maongezi haya na kukata simu.. Kwa kipindi chote alichokuwa Canada asingeweza kumpigia simu Sarah kwani hakutaka afahamu kuwa yeye yupo Canada..na mawasiliano yao makubwa yeye na Sarah yalikuwa ni kwa kupigiana simu. Hivyo basi, kama angepiga simu, ni dhahiri ingeonyesha kuwa Khatib yupo Canada kwa  namba ambayo angetumia..akaona busara ni kukaa kimya, Sarah alishajaribu kumtafuta shem wake kwa namba yake ya Tanzania mara zaidi ya tatu ndani ya wiki mbili hizi, lakini hakupatikana. Mpaka leo ambapo tayari alikuwa amesharudi Tanzania.
Pamoja na kumuua Sauda, Khatib alikua bado anaendelea kumsomesha Sarah kwa kumlipia ada na kumpatia fedha za matumizi kama kawaida, kitendo ambacho pia kiliacha maswali miongoni mwa watu wengi. Habari za Sauda kufariki Sarah alizipata kupitia kwa shemeji yake huyu, na akamueleza sababu ya kifo chake kama ambavyo Dokta Mwinyi alielezea.. Na kutokana na ratiba za chuo kuwa 'tight', Sarah alishindwa kuhudhuria mazishi ya dada yake licha ya kuwa Khatib alitaka kumkatia tiketi ya ndege ili hata kama hatowahi kuzika, lakini awepo katika zile siku tatu za msiba. Ilishindikana!!
Sarah ambaye alikuwa anasoma Bachelor of Commerce katika chuo namba moja kwa ubora nchini Canada, vile vile kikiwa namba 17 katika 'rank' za vyuo vikuu vyote duniani-University of Toronto. Kiufupi Sarah alikua anasoma katika moja ya vyuo vikuu bora zaidi duniani. Khatib alilipa ada kubwa sana kwa ajili yake, na alikua akimpa fedha nyingi sana ya matumizi yake ya kila siku. Kitendo hiki kilimfanya Sarah amuamini zaidi Khatib kuliko mtu yeyote. Alitekwa kisaikolojia na Khatib..na hiyo ndiyo kawaida yake bwana huyu. Hata marehemu dadaake alipokua hai mara nyingi alikua akimpa malalamiko mengi kuhusu kutoeleweka kwa Khatib..lakini Sarah alikua hasikilizi sana maneno ya Sauda..yeye siku zote alikuwa upande wa Khatib tu. Na hii ni moja kati ya sababu zilizofanya ushahidi juu ya kuwa kweli Sauda aliuliwa kuwa mdogo mno.. Sarah kama angekua na umakini kumsikiliza dadaake nini anamwambia, angekua shahidi mzuri sana katika hili. Lakini siku zote alikuwa hataki hata kidogo kusikia mtu yeyote anamsema vibaya Khatib.
★★★★★★★★★★★★★★★★
“Hisham Omar Mikidadi..ndo hivyo jina lako?! Nimetamka vizuri??! Aliuliza Dokta yule ambaye kwa bahati mbaya hakuwa akimfahamu Hisham vizuri..
“Hivi wewe Dokta unahisi kila mtu ana muda wa kupoteza kama ulivyo wewe? Wewe hapa ni ofisini kwako, ndo panapokuingizia pesa na ukapata kula na wanao..mimi pia nina ofisi yangu nduguu..mbona unapenda kurefusha mambo?? Nipe majibu niondoke mimi..acha ujinga bana..” Hisham mara hii hakuwa tena amekaa kwenye kiti..anayasema haya akiwa kasimama na anazunguka zunguka mle ofisini kwa Dokta..kisha akaenda kuegemea meza kwa mikono yake yote miwili huku anamtizama Dokta yule ambaye alionekana kushangaa..hajawahi kukutana na 'client' wa aina hii tangu aanze kazi yake hii.
“Kaka, naomba basi ukae hapo kwenye kiti..nakupa majibu yako unaondoka..hivyo unavyofanya sio vizuri..”  Dokta aliongea kwa upole sana na kumfanya Hisham atii alichoambiwa bila kuongea neno lolote.
“Majibu yanaonyesha kuwa uko poa, damu yako haina virusi”
“Dokta..be serious banaa.. Unasema niko negative?”
“Yeah..ndivyo majibu yetu yanavyoonesha..hongera sana kaka, sasa kama ulikua unajihusisha na ngono zembe huu ndo muda wa kuacha na kuangalia zaidi kuhusu maisha yako, Mungu bado anakupenda.” Dokta alianza kumshauri Hisham ambaye anaonekana baada ya majibu yale aliamua kumsikiliza Dokta.. Ni kitu ambacho hakukitegemea.
“Dokta, yaani wala usizungumzie kuhusu ngono zembe, sina kabisa hizo habari..nina mke kabisa kaka..ila haeleweki, na nimepata wasiwasi kuwa huenda ameathirika..”
“Ndio maana nikakwambia ungekuja nae hapa..ili mjue afya zenu kwa pamoja”
“Dokta, usipende kutania katika vitu serious bana..hivi unahisi ningekuja nae hapa halafu ikawa kama hivi mimi sina halafu yeye anao..unafikiri pangekalika hapa?”
“Ok haya bana..kila mtu ana jinsi anavyopokea matukio..anyway, nikutakie siku njema..ila zingatia nilichokuambia.” dokta alimaliza akaagana na Hisham kisha Hisham akaondoka.
Moja kwa moja mpaka kituo cha Angaza kilichokuwa mjini. Akafika na kwenda kupima tena..Hapa pia aliambiwa hajaathirika. Baada ya hapo akarudi tena ile maabara ya mwanzo..hapa akiwa na uhakika zaidi kuwa hajaathirika. Ilikuwa imebaki nusu saa tu kabla kituo hiki kufungwa. Hakukuta foleni yoyote. Akaingia moja kwa moja mpaka kwa Daktari ambaye alimlaki vizuri.
“Oooh boss..naona umerudi..”
“Yaah..nilisahau kitu muda ule..nikarudi nyumbani..kufika huko nako nikakutana na mambo meengi saana..ndio yakanichelewesha, ila nimekuja kucheki afya..naomba unipime kipimo kikubwa”
“Ok boss..hakuna shaka”  Dokta akachukua damu ya Hisham na kufanya vipimo.. Majibu ya hapa pia yalionesha HAJAATHIRIKA.
“Yule malaya..kesho mapeema kabisa naenda nae kupima.. Ole wake sasaaa..nimkute kaathirika, atajamba cheche anye moto..Ni lazima anieleze huu mkakati wa kuniambukiza ukimwi ameutoa wapi” Hisham alijisemea mwenyewe moyoni akiwa kwenye gari lake kurudi nyumbani.
★★★★★★★★★★★★★★★★
“Mama, Khatib kanipigia simu kasema anataka kuonana na mimi..hivi yupo njiani anakuja Tanga” Hamida alimweleza Nana, mara tu alipokata simu ya Khatib.
“Anataka nini?” Aliuliza Nana ambaye bado alikuwa na hasira sana kwa familia nzima sasa.
“Kanambia anataka tuonane ili tuzungumze kuhusu maisha yetu na mtoto wetu..tena kanambia nijitahidi iwe leo maana anakuja huku kwa ajili yangu tu”
“Baradhuli mkubwa.. Analazimisha muonane leo ana 'appointment'?.. Sheenzi saana.. Hakuna kwenda kokote, tena mjibu mwambie sina muda wa kuonana na wewe unachoma mafuta yako bure..” Nana alifoka..hakutaka kabisa mwanae yule wa pakee aendelee kuwa na uhusiano na Khatib tena.
“Mama, ila mi naona nikamsikilize tu kwanza anataka kuongea nini..maana ana mwanawe huku unajua” Hamida hakutaka kukubaliana na mamaake.
“Kumbe na wewe ushaanza kuwa mpuuzi..” Nana ambaye sasa alikua amemshikia kiuno mwanae huku akimwangalia usoni katika hali ya kukasirika.
“Hebu lete hiyo simu nimjibu mimi..” Aliongeza Nana na kukwapua simu ambayo Hamida alikua ameishikilia..
“Jamani mamaa...kwanini unafanya hivyoo? Si bora umuache tu..mwenyewe nimchune hela zake..” Hamida alilalama akitaka kuchukua simu ambayo ilikuwa mikononi mwa Nana kwa wakati huu, tayari Nana alishaanza kuandika sms kwa ajili ya kumtumia Khatib.
“Unasemaje weewee..??! Pumbaav..kumbe ni hizo hela zake ndio zinakufanya uchanganyikiwe? Tena komaa..kwani hapa huli ukashiba? Huvai? Nisije nikakusikia tena ukiongea hayo maneno..nitakata pua yako hiyo” Nana aliamua kuwa mkali..kisha akamalizia kuandika ile sms na kuituma kwa Khatib.
*************************
“Sheikh..Khatib amenipa taarifa kuhusu yule mwenzie..amemwambia hana muda wa kuonana nae leo..na yeye (Khatib) yuko njiani anaelekea huko aonane nae yeye..Maana amenambia Mzee J4 hatoweza kuonana nae leo” Mama Mdharuba alikuwa akimpa taarifa Sheikh Lesangwa..
“Ok, ngoja nilifanyie kazi..nitakujuza”
“Sawa sheikh”
Zikapita dakika tano kisha Lesangwa akampigia simu Mama Mdharuba akimwambia amwambie Khatib ampigie simu Hamida sasa hivi.
*****
Baada tu ya kupewa taarifa Khatib alipiga simu kwa Hamida..simu ikapokelewa..
“Haloo..umeshafika baba Abdul? Maana mimi ndo nataka nikaoge nije, kama bado nambie tutaonana wapi ili nitangulie?” Kabla Khatib hajaongea chochote, Hamida aliongea yote haya mara tu baada ya kupokea simu.
★★★★★★★★★★★★★★★★
Don't Miss Episode 20

Maoni, Ushauri:-
+255718274130
mdharuba@gmail.com

Story nyingi pia kupitia Instagram..follow now🏃🏃👇
        @jk.stories